Շտապ զինվորագրվել, անցկացնել 7-օրյա պարապմունքներ ու անցնել մարտական հերթապահության. Բալասանյանը՝ ասկերանցիներին (ֆոտո) — ARUSHANYAN TV
  • Пн. Янв 25th, 2021

ARUSHANYAN TV

MEDIA | NEWS | BLOG | TV |

Շտապ զինվորագրվել, անցկացնել 7-օրյա պարապմունքներ ու անցնել մարտական հերթապահության. Բալասանյանը՝ ասկերանցիներին (ֆոտո)


ԱՀ Անվտանգության խորհրդի նախագահ Վիտալի Բալասանյանն Ասկերան քաղաքում հանդիպում է ունեցել շրջանի ուժային կառույցների, համայնքների ղեկավարների եւ Արցախյան պատերազմներին մասնակցած տարբեր սերունդների ներկայացուցիչների հետ: Այս մասին հայտնում են Ասկերանի շրջանի վարչակազմից։

Մինչ խորհրդակցությունն սկսելը՝ ներկաները մեկ րոպե լռությամբ հարգել են Արցախյան պատերազմներում նահատակված տղաների հիշատակը:

Այնուհետեւ Վ.Բալասանյանն անդրադառնալով երկրում տիրող իրավիճակին՝ շեշտել է, որ անհրաժեշտ է օր առաջ ծառայություն սկսել պետական սահմանների պաշտպանության հարցում: Ասկերանի շրջանում պահեստազորից պետք է կազմավորել ստորաբաժանումներ, շտապ զինվորագրվել, անցկացնել յոթօրյա պարապմունքներ ու անցնել մարտական հերթապահության: Այն կկոչվի սահմանապահ ծառայություն, որը տարիքային սահմանափակումներ չի ունենա, եւ ծառայողները, անշուշտ, կվարձատրվեն:

Հանդիպման մասնակիցները բարձրաձայնել են իրենց մտահոգող հարցերի մասին, որոնք հիմնականում կապված էին բնակչության անվտանգության, տիրող անորոշ իրավիճակի եւ հետագա անելիքների հետ:

Վիտալի Բալասանյանը պատասխանել է ներկաների հարցերին:

Աղբյուրը՝news.am



Թողնել մեկնաբանություն
Total Page Visits: 35 - Today Page Visits: 1