«70 օր չէինք լսել իր ձայնը, քիչ առաջ խոսեցի». այսօր գտնված 6 զինծառայողից Ռուսլանը դերասան Վարուժան Մարգարյանի եղբայրն է — ARUSHANYAN TV
  • Пн. Янв 25th, 2021

ARUSHANYAN TV

MEDIA | NEWS | BLOG | TV |

«70 օր չէինք լսել իր ձայնը, քիչ առաջ խոսեցի». այսօր գտնված 6 զինծառայողից Ռուսլանը դերասան Վարուժան Մարգարյանի եղբայրն է

Tert.am Life-ն իր ընթերցողներին հայտնել է, որ դերասանուհի Իրինա Այվազյանի հարազատ եղբայրը՝ Արսենը, այսօր գտնված 6 զինծառայողներից մեկն է: Տղաներից մյուսը՝ Ռուսլան Թումանյանը, դերասան Վարուժան Մարգարյանի եղբայրն է:

Վարուժանը Tert.am Life-ի հետ զրույցում ասաց, որ իր երջանկությանը չափ չկա:

«Մենք 70 օր լուր չունեինք եղբորիցս, 70 օր չէինք լսել իր ձայնը, քիչ առաջ խոսեցի: Չեմ կարող բառերով նկարագրել, թե ինչ եմ զգում հիմա: Աշխարհի ամենաերջանիկ մարդն եմ»,- ասաց նա ու հավելեց, որ Ռուսլանն իր զարմիկն է:

«Այսքան օր անտառներում թաքնված են եղել, բայց իր հետ խոսեցի, դուխը միլիոն էր: Հիմա Ստեփանակերտի հոսպիտալում է: Անհամբեր սպասում ենք, թե երբ են գալու:

Հիմա արդեն կարող եմ ասել, որ ինքն իմ մեծ ախպերն է, ոչ թե փոքր»,- ոգևորությամբ ասաց դերասանը:
Նա նշեց, որ Ռոուսլանն ու Արսենը միասին էին ծառայում, հասցրել էին ընկերանալ: «Պատկերցնում եմ, թե հիմա՝ այսքան օր իրար հետ անցկացնելուց հետո, որքան են մտերմացել»,- նկատեց նա:

Թողնել մեկնաբանություն
Total Page Visits: 170 - Today Page Visits: 1