Արարատում խաղողի մթերումից դժգոհ գյուղացիները փակել են Խոր Վիրապի խաչմերուկի գլխավոր ճանապարհը. Եկել է մարզպետը: — ARUSHANYAN TV Արարատում խաղողի մթերումից դժգոհ գյուղացիները փակել են Խոր Վիրապի խաչմերուկի գլխավոր ճանապարհը. Եկել է մարզպետը: — ARUSHANYAN TV
  • Երկ. Մրտ 1st, 2021

ARUSHANYAN TV

MEDIA | NEWS | BLOG | TV |

Արարատում խաղողի մթերումից դժգոհ գյուղացիները փակել են Խոր Վիրապի խաչմերուկի գլխավոր ճանապարհը. Եկել է մարզպետը:

Արարատի մարզում, այսօր, սեպտեմբերի 3-ին, արտակարգ իրավիճակ է ստեղծվել. մարզի մի քանի գյուղերի բնակիչներ ի նշան բողոքի՝ կապված խաղողի մթերման հետ, փակել են Երեւան-Երասխավան ավոտճանապարհի, ժողովրդին հայտնի՝ Խոր Վիրապի խաչմերուկի գլխավոր ճանապարհը։

Shamshyan.com-ի հաղորդմամբ, երթեւեկությունը երկկողմանի փակված է։ Բողոքի ակցիայի մասնակիցները պահանջում են հանդիպում Կառավարության եւ Արարատի մարզպետարանի ներկայացուցիչների հետ։

Ավելի ուշ բողոքի ակցիայի մասնակիցների հետ հանդիպման են եկել Արարատի մարզպետ Գարիկ Սարգսյանն ու Ոստիկանության Արարատի մարզային վարչության պետ Կամո Ցուցուլյանը։ Վերջիններս գյուղացիների հետ եկան համաձայնության՝ այսօր, ժամը 15։00-ին հանդիպել մարզպետարանում, որտեղ կլինեն նաեւ գործարանների տնօրենները, եւ այնտեղ հարցը կքննարկեն։

Գյուղացիներն էլ ասում էին, որ իրենք միայն հավատում են վարչապետ Նիկոլ Փաշինյանին։ Ու, քանի որ մարզպետն էլ վարչապետի լիազոր ներկայացուցիչն է, ճանապարհը բացեցին։

Ակցիային մասնակցում էին Լուսառատ, Փոքր Վեդի, Տափերական, Նոր կյանք, Ոսկեթափ, Արալեզ եւ մի քանի այլ գյուղերի բնակիչներ։ Ճանապարհն այս պահին բացվեց։ Ոստիկաններն էլ բողոքի ակցիայի մասնակիցներից շատերին պաշտպանիչ դիմակներ էին բաժանում։

Նյութի աղբյուրը՝ Slaq.am

Թողնել մեկնաբանություն
Total Page Visits: 136 - Today Page Visits: 2

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով