Առյուծի նման տղերք ունենք․ Նիկոլ Փաշինյան — ARUSHANYAN TV
  • Ср. Ноя 25th, 2020

ARUSHANYAN TV

НОВОСТИ | БЛОГ | ТВ

Առյուծի նման տղերք ունենք․ Նիկոլ Փաշինյան

Окт 26, 2020

Առյուծի նման տղերք ունենք, որոնք բառի բուն իմաստով առյուծի նման էլ կռվում են:  Եվ մենք նրանց պիտի պատշաճ գնահատանքի արժանացնենք՝ հայտարարեց ՀՀ վարչապետ Նիկոլ Փաշինյանը՝ Ֆեյսբուքյան ուղիղ միացմամբ:

Իսկ ովքեր որևէ պատճառով լքել են իրենց վստահված տեղը, ըստ Փաշինյանի, պետք է իմանան՝ արժանանալու են հանրային պարսավանքի և որևէ պատճառաբանություն չի ընդունվելու։

«Մենք բոլորս պետք է պատրաստ լինենք կանգնել, ինչը չի նշանակում, որ մենք չպետք է պատրաստ լինենք փոխզիջման։ Ընդհակառակը,  որպեսզի մենք այսօր փոխզիջումային լուծման հասնելու հնարավորություն ունենանք՝ պետք է կանգնենք, որովհետև Ադրբեջանը համաձայն է միայն Ղարաբաղի կապիտուլյացիային և հայտարարում է, որ այս ճանապարհին գնալու է մինչև վերջ։ Որպեսզի հնարավոր դարձնենք փոխզիջումը, կառուցողական խոսակցությունը՝ մենք պետք է կանգնենք և մեզնից յուրաքանչյուրը պետք է իմանա, որ չկա մեկը, որ գնալու է  այդ հարցը  լուծի։ Ամեն մեկս՝ ազգովի ՀՀ-ում, Սփյուռքում ամենուր՝ կին, տղամարդ  կանգնեցինք՝ մենք Ադրբեջանի հետ կարող ենք  կառուցողական երկխոսություն ծավալել, չկանգնեցինք ուրեմն փախննելու տեղ էլ չի լինի»,-ասաց վարչապետն՝ ընդգծելով, որ մեր շահերի եզրագծին ենք գտնվում։


Նիկոլ Փաշինյանը կոչ արեց գնալ զինկոմիսարիատներ և զինվորագրվել հայրենիքի պաշտպանության համար։ «Այսօր ամբողջ Հանրապետությունը պիտի այս ռեժիմի մեջ լինի, այսօր պիտի զինկոմիսարիատների առաջ տեղ չլինի՝ դիմակներով հերթեր գոյացած լինեն։ Շատ լավ է, կամավորագրումը գնում է, շնորհակալ եմ արձագանքած քաղաքացիներին, բայց ես ուրիշ բան եմ ասում՝ պիտի տեղ չլինի, 24 ժամ պիտի հերթեր լինեն, մարդիկ պիտի պատրաստ լինեն ՊԲ հրամանատարի ցանկացած հրաման կատարել, որովհետև այսօր մեր ժողովրդի ճակատագիրն է որոշվում, և չկա ավելի լավ տարբերակ, քան ճակատագրի ղեկը սեփական ձեռքը վերցնել»,- նշեց Փաշինյանը:

Վարչապետը կանանց խնդրեց քաջալերել տղամարդկանց. «Կանայք ոչ թե պայքարից պետք է հետ պահեն, այլ՝ ընդհակառակը»,- ասաց նա:


Թողնել մեկնաբանություն
Total Page Visits: 108 - Today Page Visits: 1