Արցախի բնակչության շրջանում կան զոհեր` մեկ կին ու մեկ երեխա. Արցախի ՄԻՊ (լրացված) — ARUSHANYAN TV Արցախի բնակչության շրջանում կան զոհեր` մեկ կին ու մեկ երեխա. Արցախի ՄԻՊ (լրացված) — ARUSHANYAN TV
  • Ուր. Փտր 26th, 2021

ARUSHANYAN TV

MEDIA | NEWS | BLOG | TV |

Արցախի բնակչության շրջանում կան զոհեր` մեկ կին ու մեկ երեխա. Արցախի ՄԻՊ (լրացված)

Արցախի մարդու իրավունքների պաշտպան Արտակ Բեգլարյանը Թվիթերի իր էջում հայտնում է, որ ադրբեջանական հարձակման հետևանքով կան կորուստներ խաղաղ բնակչության շրջանում:

«Ադրբեջանական հրետակոծությունների հետևանքով քաղաքացիական բնակչության շրջանում կան զոհեր ու վիրավորներ: Մարտունու շրջանում երկու անձ է զոհվել՝ մեկ կին ու մեկ երեխա, կա երկու վիրավոր: Մնացած բնակավայրերի մասով տվյալները ճշտվում են: Հրետակոծել են նաև դպրոցներ, ներառյալ Ստեփանակերտում: Քաղաքացիական ենթակառուցվածքների մեծամասշտաբ վնասներ կան բազմաթիվ բնակավայրերում», — հայտնել է Բեգլարյանը:

 

Արցախի մարդու իրավունքների պաշտպանը խիստ դատապարտում է Ադրբեջանի կողմից միջազգային մարդասիրական իրավունքի նորմերի կոպտագույն ոտնահարումը: Պաշտպանը կոչ է անում միջազգային հանրությանը համապատասխան գնահատական տալ «ադրբեջանական գործողություններին, այն էլ՝ Covid-19 համավարակի պայմաններում» և միջոցներ ձեռք առնել Արցախի հազարավոր բնակիչների կյանքին ու անվտանգությանը սպառնացող վտանգների չեզոքացման ուղղությամբ:

Հիշեցնենք, որ առավոտյան վարչապետ Նիկոլ Փաշինյանը տեղեկացրել էր` «հակառակորդը Արցախի ուղղությամբ հարձակում է սկսել»:

ՀՀ պաշտպանության նախարարի խոսնակ Շուշան Ստեփանյանը հայտնել է, որ հրետակոծվում են Արցախի խաղաղ բնակավայրերը և հորդորել բնակչությանը պատսպարվել: Ինչպես նաև տեղեկացրել է, որ հակառակորդը Արցախի ուղղությամբ սկսել է օդային և հրթիռային հարձակում, «հակառակորդը կրել է մարդկային և տեխնիկայի կորուստներ, մասնավորապես՝ երեք տանկ»:

Թողնել մեկնաբանություն
Total Page Visits: 124 - Today Page Visits: 2

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով