Բոլոր ժամանակահատվածներում էլ նման բաներ եղել են ու դեռ լինելու են բոլոր երկրներում. Ալեն Սիմոնյան — ARUSHANYAN TV Բոլոր ժամանակահատվածներում էլ նման բաներ եղել են ու դեռ լինելու են բոլոր երկրներում. Ալեն Սիմոնյան — ARUSHANYAN TV
  • Երկ. Մրտ 1st, 2021

ARUSHANYAN TV

MEDIA | NEWS | BLOG | TV |

Բոլոր ժամանակահատվածներում էլ նման բաներ եղել են ու դեռ լինելու են բոլոր երկրներում. Ալեն Սիմոնյան

Այն ամենը ինչ տպագրված էր, նորություն չէր, որովհետեւ դրա մասին տարբեր տեղերում խոսվել է։ Այս մասին այսօր՝ սեպտեմբերի 21-ին, լրագրողների հետ զրույցում ասաց ԱԺ փոխխոսնակ Ալեն Սիմոնյանը՝ անդրադառնալով ռուսական «Դոսյե» կենտրոնի այն վերլուծությանը, թե Ռուսաստանը գործակալներ ունի Հայաստանի գրեթե բոլոր պետական կառույցներում։

Նշենք, որ հրապարակման մեջ հիշատակվում են նաեւ ԱԱԾ նախկին տնօրենների անուններ՝ Կառլոս Պետրոսյան, Գեորգի Կուտոյան, Արթուր Վանեցյան։

«Կեցցե Հայաստանի Հանրապետությունը՝ որպես անկախ երկիր, որտեղ որեւիցե մի կենտրոն, բացի հայ ժողովրդից, որեւիցե լծակ չի կարող ունենալ»,- ասաց ԱԺ փոխխոսնակը։

Հարցին՝ արդյոք ինքը հավանական համարո՞ւմ է, որ ԱԱԾ տնօրենները կարող էին գործակալներ լինել, Սիմոնյանն ասաց. «Կարծում եմ, որ լավ առիթ է, որպեսզի քննություն տեղի ունենա, հասկանանք՝ ով է այդ անձնավորությունը, ով կարողացել է իրեն թույլ տալ ընդդեմ Հայաստանի Հանրապետություն՝ շպիոնաժով զբաղվել»։

Ալեն Սիմոնյանի խոսքով՝ բոլոր ժամանակահատվածներում էլ եղել են գործակալներ. «Ու ցավոք սրտի, դեռ լինելու են բոլոր երկրներում»։

Անդրադառնալով Ադրբեջանի նախագահ Իլհամ Ալիեւի այն հայտարարությանը, թե Հայաստանը պատերազմի է պատրաստվում՝ Սիմոնյանն ասաց. «Ես տեսնում եմ խղճուկ մի անձնավորության, որն իր իշխանությունը պահելու հետեւից ընկնելով, պատրաստ է ամեն ինչի»։

Նյութի աղբյուրը՝ Slaq.am

Թողնել մեկնաբանություն
Total Page Visits: 122 - Today Page Visits: 2

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով