Շուրջ 700 առանձնատուն կտրամադրվի տեղահանված արցախցիներին — ARUSHANYAN TV
  • Сб. Янв 16th, 2021

ARUSHANYAN TV

MEDIA | NEWS | BLOG | TV |

Շուրջ 700 առանձնատուն կտրամադրվի տեղահանված արցախցիներին


Արցախի քաղաքաշինության նախարարությունից տեղեկացնում են՝ շուրջ 700 առանձնատուն կտրամադրվի իրենց բնակավայրերից տեղահանված արցախցիներին:

«Տեղահանված բնակիչների համար Ասկերանի, Մարտունու և Մարտակերտի շրջանների գյուղական անբնակ առանձնատների վերանորոգման ծրագրի շրջանակներում՝ անցած տարվա դեկտեմբերի 30-ի դրությամբ մեկնարկել է 71 առանձնատան վերանորոգումը: Դրանցից 34-ն արդեն հանձնվել են շահագործման, իսկ մյուսների վերանորոգումն ընթացքում է:


Նախատեսված 700 առանձնատների վերանորոգման աշխատանքները կմեկնարկեն առաջիկայում՝ անբնակ տների թվի վերաբերյալ շրջվարչակազմերի ներկայացրած տվյալները ստանալուց անմիջապես հետո: ԱՀ քաղաքաշինության նախարարության և 28 շինարարական կազմակերպությունների միջև պայմանավորվածություն է ձեռք բերվել՝ վերականգնման աշխատանքներին զուգահեռ սկսել նաև այդ առանձնատների վերանորոգումը:

Գյուղական առանձնատները, ներքին և արտաքին հարդարումից բացի, կունենան խոհանոց և ներքին սանհանգույց։ Մինչ այդ՝ համապատասխան պայմանավորվածություններ են ձեռք բերվում շրջվարչակազմերի և անբնակ առանձնատների սեփականատերերի հետ:

Բացի այդ, ծրագրում ընդգրկված են նաև գյուղական բնակավայրերի այն տները, որոնցում երկար տարիներ փաստացի ոչ ոք չի բնակվում:

Ծրագրի ֆինանսավորումը կատարվելու է «Հայաստան» համահայկական հիմնադրամի միջոցով»,- տեղեկացնում են նախարարությունից:



Թողնել մեկնաբանություն
Total Page Visits: 39 - Today Page Visits: 2